相信大家重記得，上星期先講完美國版《VOGUE》3月號的靈異事件，一波未平一波又起，今次就輪到內頁的一輯styling惹起種族爭議。事源佢哋搵咗名模Karlie Kloss拍攝一輯喺日本取景的時裝照，穿上和服、戴上假髮的Karlie Kloss晃如傳統日本藝妓，在日本多處地方拍下極度唯美的時裝照。其實好多styling都玩過藝妓呢個concept，例如Paolo Roversi、Tim Walker都曾經幫英國《VOGUE》影過類近題材的相，點解今次會引來咁大爭議？咪又係因為《VOGUE》3月號的主題「model diversity」囉！既然歌頌多元化模特兒，何解要自打咀巴，唔搵番真正的日本模特兒來擔當主角？
面對咁大爭議，《VOGUE》就未有回應，而Karlie Kloss就係twitter上致歉。
有支持《VOGUE》的人就話在現今模特兒，具名模級的亞洲面孔來來去去都係劉雯、孫菲菲，日本名模又可以搵邊個？而反對的人就提到，就算今次雜誌主題係model diversity，書中起用白人模特兒的篇幅仍然係大多數，相當唔貼題！筆者就覺得好多西方人眼中的東方文化仍然流於表面，就好似講日本一定係藝妓，講香港一定係九龍城寨咁(我睇Doctor Strange真係反白眼)。由白人去演繹日本傳統文化，情況就好似Scarlett Johansson拍《攻殼機動隊》咁奇怪，突顯西方人的驕傲自大，對東方傳統文化的無知同不尊重，你又點睇？
Comments