稀有皮革（EXOTIC SKINS）就當然是來自稀有動物（EXOTIC ANIMALS），而半個世紀前曾在時裝界風靡一時的「奢侈皮革」，原料就是大多取自短吻鱷、鱷魚、鴕鳥、蜥蜴及蛇等稀有動物的表皮。時移勢易，來到千禧時代，各大品牌陞續宣佈停用稀有皮革，原因都是為了保障動物的生存權益，「其實依家人類唔再需要靠皮草取暖，全部都係 FOR AESTHETICS。如果只為了靚而殺咗咁多動物，我覺得係一個幾殘忍嘅行為。」身為時裝模特兒的 CARMINA 自己在這年亦開始養了一蛇一守宮，回應品牌使用 EXOTIC SKINS 的問題，她表示支持減少購買，減少傷害。今次 MING’S 邀請了三位在時裝潮流界不同領域的女生分享自己與 EXOTIC PETS 的故事，或者會打破大家對這些稀有寵物的誤解和偏見，原來牠們是如此特別和可愛。
CARMINA
26 歲的 CARMINA 擁有得天獨厚的高䠷身材和古銅肌膚，是位模特兒和 FASHION INFLUENCER，訪問當日穿著一件藍色連身褲，散發著健康性感的氣息，外型雖冷艷，但其實是個親切溫和的 SWEETIE PIE。拍攝時，粉紅色的寵物球蟒 XANAX 爬在 CARMINA 的 CHRISTAIN DIOR 腰扣之上，不時向鏡頭定格擺 POSE，似乎和主人一樣有著天生的鏡頭感。XANAX 外形和傳統蟒蛇有很大分別，少了一份野性，多了一份優閒自在，除了 XANAX 外，隨行的還有另一隻爬蟲動物，是隻叫做 MISHU 的肥尾守宮，眼晴圓滾滾非常精靈，吐舌時顯得格外可愛。這兩隻冷血動物都是 CARMINA 上年開始養的愛寵。問起 CARMINA 有什麼願望想和牠們完成，她說最希望有日可以和牠們拍一輯時裝造型照。
在 Instagram 查看這則貼文
－牠們幾歲了，叫什麼名字？名字又是怎樣起的？
球蟒，XANAX，11個月大。其實 XANAX 係一種藥嘅名，係一種控制焦慮症嘅鎮靜劑？啱啱買佢返嚟嗰時覺得佢真係好 CHILL 好冷靜，點樣掂佢都冇事，佢又係白色，所以就改咗呢個名。而肥尾守宮，MISHU 就一歲半大。MISHU 個名就直接啲，因為佢嘅 PATTERN 好似 TIRAMISU。
－第一次飼養的是什麼？當初的契機又是怎樣？
以前細個養過金魚，龜，倉鼠，但係都係屋企人照顧。球蟒係第一隻屬於我嘅寵物。由細到大都對蛇都幾好奇，因為個個人都係養貓或者狗，蛇好少見。有一次拍攝工作係蛇做主題，同蛇嘅互動多咗，覺得佢真係幾型同埋都幾襯我，所以嗰時決定大個咗自己住嘅時候第一隻寵物一定係要養蛇。
在 Instagram 查看這則貼文
－在你心目中，牠最可愛的一個特質是什麼？
XANAX 個口！打喊露嘅時候，佢個口會擘到好大。對好多人來講，佢食嘢應該係一個幾恐怖嘅畫面，因為蛇通常食嘢嘅時候都會將自己個口甩骹，食相超醜怪！而 MISHU 做咩都好可愛，佢飲水時候條利，食飽野嘅肚，佢隻手仔都好可愛！
－牠們喜歡吃什麼、又有什麼小癖好或特別的習性？
佢哋平時食嘅嘢都只係正餐，唔似貓狗可以俾零食。但係佢哋好似對唔同氣味都幾好奇，如果我噴香水，食飯，總之有一樣新嘅氣味，佢哋都會走出嚟八卦。
－喜歡牠們的原因是什麼？
我鍾意佢哋唔係好需要好多ATTENTION，唔會甩毛，唔會叫，亦唔會食錯野，同埋真係覺得佢哋個樣好 CUTE。
－你覺得你的工作和你所喜愛的寵物有相互的影響或關係嗎？
我個人比較慢熱，而佢地會成為我每次工作時候，啲人見到我嘅開場白同話題。
在 Instagram 查看這則貼文
－別人對牠們最大的誤解又是什麼？
覺得佢哋好得人驚同埋核突，怕佢會攻擊。但係其實佢真係好CHILL，有時仲會做埋啲幾搞笑嘅動作。
－分享一下你對牠們的「愛」、對牠們的「恨」？
其實冇諗過我會咁着緊佢哋，因為始終係冷血動物，正常是無情感，所以同佢哋BONDING有限，但我會成日都搵啲嘢去買來裝飾佢哋嘅屋企，之前仲織冷帽同衫俾佢哋，好似當咗佢哋係女咁，有次仲夢見佢地病了，好擔心。「恨」就冇喎，唯一一樣煩嘅嘢係養咗佢哋之後，所有人都會不斷同我講一個關於蛇嘅故仔（條蛇唔食嘢，伸直自己去度個女主人有幾長，跟住想食佢嘅嗰個故仔。）聽到好厭，哈哈！
－有沒有很想和牠們一起完成的目標或願望？
好想同佢地一齊影一輯 FASHION EDITORIAL，以往都有同佢地影過比較生活化的廣告，但好希望可以影一輯 HIGH-END 同有型的時裝照片。
－如果牠是一個「人」，你覺得牠會是個怎樣的人？
我覺得係會似好冷靜唔係好出聲嘅人，同時非常之警惕同觀察到晒周圍環境發生咩事。有少少似維園呀伯！
－有什麼建議或心得給新手飼養者？
如果對REPTILES有興趣，我覺得呢兩種動物都好啱新手飼養。佢哋比較容易打理，但壽命都算長，可以去到 20-25 年，所以要準備好照顧佢一生而唔係貪佢型先養。因為好多人養到佢哋咁上下就會悶，而攞去戶外放生，但其實佢哋唔會適應到。
－時裝品牌近年開始 GO FUR FREE，或 ANTI EXOTIC SKIN 作為衣服材料，你有什麼意見或感受？
我覺得係好好嘅開始，因為其實而家人類唔需要靠 FUR/LEATHER 取暖，全部都係 FOR AESTHETICS。如果只因為想着靚啲而殺咗咁多動物，我覺得係一個幾殘忍嘅行為。購買嘅人越少，需求越少，被殺嘅動物越少。
－你會怎樣形容自己的穿著風格，最喜歡的時裝品牌又是什麼呢？
主要是 STREETWEAR，ATHLEISURE，簡單同舒服為主。鍾意 HELIOT EMIL，Y/PROJECT 。
LILYCASH
披滿紋身的 LILYCASH 今年 29 歲，是香港紋物店美富主理人之一，性格爽直，貪玩搞笑，穿搭俏皮跳脫又帶一點復古混搭風，在社交媒體備受關注。這位自稱是「退休人士」和美富「打雜」的女生充滿個性，就連她和男友一起養的寵物也特別過人。別以為她玩世不恭的個性，難以當個照顧者，其實她對紋身，甚至是飼養寵物亦有自己的堅持和主見。「養寵物一定要做好心理準備，因為佢哋唔係玩具，佢哋好似屋企人一樣，唔係話養就養，唔養就掉，要好好咁照顧佢哋一世，要有責任感，唔好因為啲無聊理由就隨便棄養，一定要自己負擔到。」CASH 現在擁有兩隻無毛貓，一隻東方短毛貓，另外還有五隻無毛天竺鼠。普羅大眾會因為牠們罕見而覺得牠們兇殘恐佈，但 CASH 就一直好想擁有「一開始養無毛貓只係夢想，到真係養到嘅時候有種夢想成真嘅感覺，好神奇。」飼養後更發現牠們性格很好，又乖又黏人，連瞓覺都要癡住主人。
至於寵物的名字，當然貫徹 CASH 的搞怪個性，古怪過人，現在有一隻無毛貓叫「三叔」、一隻叫「邊個」，而今次出鏡的叫「陳美鳳」，我問究竟是如何想出來，CASH 說就只是貪圖「夠核突老土」。
在 Instagram 查看這則貼文
－第一次飼養的是什麼？當初的契機又是怎樣？
第一次飼養的是無毛貓，因為我係超級鼻敏感人士，但係又好想養貓，偶然機會台灣朋友介紹咗一個台灣貓舍俾我哋，我哋本身諗住去睇下玩下貓，點知就養咗兩隻，第二年又再養多隻，過幾年又再養多隻⋯ 兩隻無毛貓 EALL 同 BENZIE 分別喺上年同今年過咗身，而家仲有兩隻三叔同陳美鳳分別係 6 歲同 3 歲。無毛天竺鼠 SIMONE 就1歲半，男朋友送我的，後來知道天竺鼠需要朋友，就養多咗一隻女仔（名：黑珍珠）陪佢，但係佢地完全相處唔到，個女仔係咁打佢（笑）。後來有日發現黑珍珠越嚟越肥，帶佢去睇醫生，原來已經有咗BB，後尾生咗3隻。
－牠們喜歡吃什麼、又有什麼小癖好或特別的習性？
天竺鼠鍾意食生果同青椒，小癖好係鍾意收埋啲野食喺個口入面。「三叔」鍾意食膠袋，鍾意收埋我哋啲野喺佢嘅秘密基地，秘密到我到而家都未搵到喺邊。「EALL」同「邊個」都好似狗仔，掉隻老鼠出去會咬返俾你，「邊個」識SIT，有時仲識俾 HAND HAND。
－在你心目中，牠最可愛的一個特質是什麼？可以分享對牠們的愛和恨嗎？
鍾意無毛貓性格好嗲，瞓覺都要一齊瞓，超級癡身，觸感好好摸，又鍾意佢哋奇奇怪怪咁，好得意。但無毛貓體溫好高，瞓教會好熱，皮膚好容易有老泥，整到全屋嘅嘢都係啡色，所以屋企時我係唔會著到白色衫。另外天竺鼠成日好呆好搞笑，開心嗰陣又會彈下彈下好得意。不過每秒都痾緊屎咁，有啲臭！
－會不會有「物似主人形」的感覺？
大家睇佢哋嘅外表都會覺得好邪惡好恐怖，但相處過之後都會好鍾意佢哋，覺得佢哋好得意，好似我成身紋身，個個一開始都會覺得我好惡，但係其實我都係一個普通人。
－有沒有很想和牠們一起完成的目標或願望？
想同佢哋一齊健健康康咁一直生活落去就夠。
在 Instagram 查看這則貼文
－時裝品牌近年開始 GO FUR FREE，或 ANTI EXOTIC SKIN 作為衣服材料，你有什麼意見或感受？
本身就唔支持用動物毛皮製作時裝，好似著住屍體咁，覺得唔會令人特別高貴，係不必要嘅野，如果大牌子可以帶頭響應就可以做到最正面嘅影響。
－你會怎樣形容自己的穿著風格，最喜歡的時裝品牌又是什麼呢？
風格比較隨心，只要鍾意，其實咩 STYLE 咩牌子都會著，無特別喜愛嘅品牌，只會睇設計適唔適合。
RIYO
RIYO 是一個珠寶首飾設計師和迷你場景模型藝術家，兩種工作都是關乎於精緻小巧的物件，需要將美學注入於手上的小飾物，將眼光聚焦在一個小世界。也許是天生有這種對細微事物有著特強的觀察力和偏愛，所以亦特別鍾意體型細小的動物，亦特別有緣。RIYO 多年前就開始和當時的男友（現在的丈夫）一起飼養第一隻刺蝟，刺蝟的壽命只有 5 至 6 歲，雖然每次經歷的生離死別都非常痛心，卻難以按耐自己對牠們的迷戀，「其實我之前已經決定唔再養住，因為每次佢哋死我都會喊，唔想經歷死亡，但有次臨出 TRIP 時又睇到個領養 POST，佢哋真係太得意，忍唔住又養了。」現在她擁有一隻 5 歲的刺蝟叫豆潤；另外是一對蜜袋鼯，一隻叫 GUGU，一隻叫 SUBIE，還生過寶寶呢！
在 Instagram 查看這則貼文
在 Instagram 查看這則貼文
－第一次飼養牠們的契機是怎樣？
第一次飼養的也是刺蝟在11年前，是和丈夫一起養的。
－在你心目中，牠最可愛的一個特質是什麼？
好溫馴，佢哋有時好似小朋友。
－和牠們的相處多年，有過最深刻的記憶／經歷是什麼？
就是看着他們的 BB 出世。以前養過一對刺蝟和蜜袋鼯 GUGU SIBIU 都曾經在我工幹期間懷了 BB，有次更是在一晚邀請朋友來我家作客時，突然出世，大家都覺得好神奇。
－牠們喜歡吃什麼、又有什麼小癖好或特別的習性？
刺蝟可以食貓糧及麥皮蟲，鍾意玩廁紙筒。而蜜袋鼯有他們的飲食配方，（麥片、蜜糖、蔬果、雞蛋等混合成的配方）。較偏重於蛋白質食物，每天也要不同的新鮮生果或蔬菜，遇上鍾意食嘅嘢或者食得開心就會發出「咕咕」嘅聲音。
在 Instagram 查看這則貼文
－可以分享關於牠們的一個小秘密嗎？
蜜袋鼯 GUGU SUBIE 有時會偷嘢食，因為我長期放一啲零食同糧食喺佢哋個籠上面，佢哋有陣時伸手出籠外面搵嗰個食物；而豆潤就比較怕羞，有陣時屋企好靜，佢以為我唔喺屋企佢就會想上高嗰層食嘢，但當佢發現我喺附近就會呆一呆，先繼續食嘢，或者立刻跑落樓下嗰層。
－喜歡牠們的原因是什麼？
比較古怪同埋唔黐身 。
－你覺得你的工作和你所喜愛的寵物有相互的影響或關係嗎？
刺蝟同埋蜜袋鼯都係夜行動物，而我習慣都係夜間工作，所以比較容易照顧佢哋，或者可以同到佢哋玩。
－別人對牠們最大的誤解又是什麼？
多數人會撈亂咗佢哋嘅種類，會以為刺蝟係野豬，蜜袋鼯係飛鼠 。
－分享一下你對牠們的「愛」、對牠們的「恨」？
就是太短命。刺蝟壽命大概只有五年，之前養過五隻，基本上每年都喊一次。
在 Instagram 查看這則貼文
－有沒有很想和牠們一起完成的目標或願望？
其實都完成咗。因為好多唔同場合都會帶埋佢哋去，我都希望佢哋可以喺短短嘅生命裏面，生活得開心。
－有什麼建議或心得給新手飼養者？
照顧佢哋都會有麻煩嘅時候，要有足夠嘅能力同金錢，絕對唔可以輕易棄養。佢哋呢類係飼養品種嘅動物，絕對冇能力喺野外或城市街道上生存。
－時裝品牌近年開始 Go fur free，或不用 exotic skin 作為衣服材料，你有什麼意見或感受？
因為自己本身冇呢個喜好，一向都會比較鍾意着棉質嘅衣物。以前偶爾都會買一些真皮手袋或者鞋，不過近幾年已經開始減少，甚至盡量不用皮革。
－你會怎樣形容自己的穿著風格，最喜歡的時裝品牌又是什麼呢？
比較平實，簡單中會有些細節，例如我有好多黑色衫但每件都有小小唔同的 DETAILS，會耐穿一點，而最鍾意嘅時裝品牌有 TOGA，SACAI，MARGIELA。
RELATED ARTICLES:
Comments