這世代還有原創嗎？ 十萬個人、十萬種想法，卻從來沒有一式一樣的。個人想法便是原創。前人即使試過做過，你將之「搓」成專屬的模樣，這便是「原創精神」。
健身教練Utah，酒吧老闆 Victoria，blogger Sue， 插畫師兼modelAiko，四個女人，四種心思，抓緊一己想法，在自己熱愛的範疇（可不止一樣），開創大小可能性。她們每行一步，就似是實踐一個對自己的承諾，夢終有一日成真。
驟耳聽來，有點風馬牛不相及，好端端做健身教練的 Utah，今日卻說，她愛設計！設計、即是創作，能讓人體驗從無到有的快樂。用諸教授健身的工作， Utah 本性不改，最憎流於因循，跟她上堂，最好做定心理準備，隨時試新嘢玩新嘢，懂得樂在其中，追求身心健康， 便一點也不難。
UTAH LEE 健身教練 @utahlee
Jaeger-LeCoultre Rendez-Vous Night & Day Medium 約會系列女裝日夜顯示腕錶中型款 $115,600
Utah: 「自己一直放唔低時裝和珠寶設計，終有一日我會再做 design。」
「Originality 能夠 build up 一個人的性格，成為一個人的 identity。「做運動，我都唔鍾意因循。每星 期train一班住山頂的太太，每次轉 training system，佢地估唔到，大家做 完運動的反應:『好辛苦呀！但好好玩， 下次再來。』，我便滿足。在 gym 工 作，每每聽到人呻:『肥咗幾磅，要節 食呀？』我暗罵『shut up ！』重 1、2 磅不足掛齒，你訓練出肌肉才健康呀！「做人想健康，做運動之外，還有心情， 我要求自己做一個好人。
珠寶設計曾是 Utah 至愛，未來，她也想重投懷抱。
「依家揸車，刻意減慢車速，唔想衝鋒陷陣嚇親路上途人，沒人教我，靠自己 培養想法，你對人好，別人就會對你 好，everybody could be healthy and happy。可能你覺得我好低能，想得咁 遠！廿年前，我跌斷腳，扶住拐仗坐地鐵，席間沒人願意讓位給我⋯⋯搭車搭地鐵，當然自己行先，做乜讓你？！ 何解不懂多為別人設想？！我要教學 生正向思想。工作關係，一眼關七， 當睄到某個學生默不作聲，行路窒吓窒 吓，after class 去關心一下，或者轉 頭 whatsapp 對方，even 行過拍一拍膊頭，已經差好遠。
「大家應該 step back and think how to create a beautiful society。
「成世人都好好彩，遇上好人，幫助我， 給予機會，當我一有能力，一定去幫人。 家中最細，成嚿飯，家姐安排我去讀時裝設計，畢業後，試過自組公司 House of Style，又有同名珠寶品牌，更在中環 開過店銷售傢具和童裝設計。我超級鍾意 creative。然而，做了幾年，仍沒突 破，『無啦啦』有個朋友找我去 gym 幫 手，當時，我都唔做運動！即管試試， 做着做着，又有人『無啦啦』問我”What if we offer you a sponsorship， will you take it？”這就是 Nike。
「初時，在 gym 工作，clean the machine， I wash this， I wash that， 編 class 和 marketing⋯⋯ 以前， 我的 passion 是設計，依家，我的 passion 是設計和 fitness。
「我從沒別人所謂擁有好大好多的夢想，只透過每個機會，發掘自己才華，再由一個夢跳去第二個夢，邊行邊做邊學，我沒猶豫。想當初，讀書始發現我 識設計，去 gym 工作始發現我識教人做運動，從中找到自己，最重要敢試。我做過時裝，做過珠寶，未來，將會試做 beauty。
Utah 的珠寶設計作品
「這世代，connection 十分重要。朋友做 lipstick，問我想唔想推出一支專屬唇膏，試囉！很快就會 launch 一個 Utah colour。我好鍾意做靚嘢，尤其 fashion 與 fashion jewellery， 只係fitness 好忙，又要輕輕力照顧一下小朋友，終有 一日我會再做 design。「Set 一個目標，唔一定能夠馬上達到，但唔好放棄，必要朝住目標而行。」
「Originality 能 夠 build up 一 個 人 的 性 格， 成為一個人的 identity。」
Comments