「夜晚我去鬆一鬆，搵 DON DON DONKI」話說明仔公司附近開咗間 DONKI DONKI，明仔當然唔執輸好快就去咗朝聖，而又原來明仔有人仲未去過，今次帶埋鄉里一齊去 DONKI，跟手同大家些牙下明仔有咩 PICK。
明仔有咩癖好？今個禮拜 PICK 咩好？
#ALEX 明仔癖
當人人去 DONKI 都買嘢食，明仔我就鍾意睇 DONKI DONKI 好似好平嘅家居用品，最近我就有個開心大發現介紹俾大家－傳說中嘅激落君！
呢個望落可愛，實情勁好用嘅激落君，其實係由德國新發明物料製成嘅多用途清潔海綿，看似平平無奇但佢可以唔使加清潔劑，只需要加清水就可以整走污漬！DONKI特別版一包仲有 24 個，PAKI PAKI 一啪就可以用！
YOU MAY ALSO LIKE…
#CHERIE 明仔癖
最近公司附近開了間新 DONKI，很多人走去湊熱鬧。其實一直以來，在 DONKI 這個疲勞式轟炸的環境中很容易獲得一種「排己感」，就是置身在音樂和豬叫聲之中，個人無法思考、專注，會自動拋掉自我意識，進入忘我狀態，甚至達到神奇的冥想的境界。講到 PICK 一樣嘢的話，我喜歡冥想完 PICK 門口個烤蕃薯(´▽｀)甜！
YOU MAY ALSO LIKE…
#CURTIS 明仔癖
「買嘢😨？我以為 DONKI 係聽歌同排隊嘅地方🤗。」
YOU MAY ALSO LIKE…
#EELY 明仔癖
其實明仔我自從上次除夕倒數飲大左後都已經下定決心要收心養性啦（盡量）。之不過，路過 DONKI 點可以唔買反枝梅酒啊？我就最推薦大家可以試下呢枝 CHOYA 極熟梅酒！用成熟度高既梅酒加白蘭地，好好飲！自從朋友買過一次俾我後就一試成主顧。
如果怕太濃同太甜既話，建議可以加冰，再加蘇打水一齊飲（我自己都係用呢個飲法，好易入口！）
YOU MAY ALSO LIKE…
#FAI 明仔癖
透明遮！
依家 DONKI 有得賣！編輯以前去日本好多時都會帶一把返香港，除左唔想好浪費之外，都係因為佢好易襯衫。
但原來喺好多日本人眼中，呢把透明遮係求其、無品味嘅象徵，而我諗好大程度上都係因為價錢平，易買，所以通街都係。
而明仔我正正就係鐘意佢夠基本。我日常都會傾向揀一啲比較少特色嘅衫，因為我唔希望人哋會記得我着過某一件衫。其實我覺得呢個係一個 LIFE HACK 嚟，除左唔會予人「成日着嗰件衫」嘅感覺之外，亦都會令你悉心打扮嘅嗰一套戰衣嚟得更有威力。
比起識得DRESS UP，識得巧妙地DRESS DOWN 更加重要。
Comments