昨日港姐2017面試鬧得熱哄哄，筆者覺得勇氣與否人各有志，但各位佳麗的衣著打扮就真的有很大進步空間。今年最受歡迎一定係桃紅連身裙，因為三位佳麗不約而同着同一條出自FCUK桃紅緊身連身裙，而又咁啱有一位揀同款白色，只係同款唔同色，氣質已超然十倍，令人不禁疑問，何解三位要揀一色咁蝦人着、打燈影相又唔夠sharp嘅桃紅色呢？
白色即刻有仙氣
同款另有橙紅色仲易襯亞洲黃膚色
桃紅雖然係bold colour，但黃皮膚真係好難令條裙standout，反而會令膚色更暗黃，容易着得俗豔老氣，只可說是難挑戰之作。其實條裙剪裁確實不錯，如果以選美作為目的，可以令身型更帶曲線美，白色雖然會令身型顯橫，但可以令整體膚色提亮，一定比桃粉色來得更易駕馭，亦更有氣質。
十優港姐麥明詩面試穿搭
雖然明白裸色魚口鞋係安全之選，但選港姐又唔係選媳婦，見好多佳麗都揀對安全鞋實在太老土。其實可以大膽一點，啱season涼鞋都值得投資。（All from Sergio Rossi）
講起近幾屇港姐面試造型，十優港姐麥明詩雖不算品味超然，但至少揀啱色系已經跑嬴大市，例如第一輪面試時珊瑚粉橙色系連身裙，活潑年輕又不失莊重，就換對大膽少少嘅鞋或唔露趾就更完美。第二輪面試時，亦揀一條簡單白色裙，同樣整體望落精神乾淨，港姐冠軍亦實至名歸。
上屇冠軍馮盈盈
今屆不俗之選張寶欣
橙調色系不會太浮誇，又顯亞洲膚色更為亮白（All from COS）
而上屇冠軍馮盈盈亦相當一條忌廉色通裙配黑色腰帶，再加一個Hermes手袋亦望落清新優雅，而初選時都係揀橙紅、螢光粉紅等比較亮眼顏色，一對比起今年唔知點解咁受歡迎嘅老土桃紅，實在高幾班。唔計兩位外國勢力，今年係咪真係無抵讚之作？其實筆者真心覺得張寶兒不錯，橙紅連身裙唔會太霸度帶點少女感，不過其他呢…有待改進。
CREDITS
Text by Sherry Yeung
Advertisement
RELATED ARTICLES:
Advertisement
Comments