我記得她手上刺有一把剪刀，卻不知道原來是裁縫專用的，她揶揄我與她相識多年卻沒好好留意她。本來在她身後專心做 FADING 的 BARBER BALL 聽到後，打趣把手上的理髮剪刀拼在她的刺青旁，原來真的有那麼一點不同，裁縫需施力剪布，指位空間相對較寬。這個別人難以觀察的不同在他們眼中卻有天壤之別，因為兩把較剪各背意義。
JANSCO：「比起只動腦畫圖設計時裝，我更喜歡真的落手落腳去做衫。」
BALL：「我覺得最自由既時間，當然係剪頭髮。」
在 Instagram 查看這則貼文
BARBER一詞源於古埃及，是為男士修剪、梳飾毛髮鬍鬚與設計造型的專業人士。這天為JANSCO理髮的BARBER叫BALL，一身白色工作服和精緻油頭，是HANDSOME FACTORY銅鑼灣店開店四年來的老臣子。我問他們二人喜歡這裡的原因，言寡的BALL回答我是「氣氛」，而對於JANSCO而言，除了那CHILL得非常的氣氛外，更因為BARBER的技術和理念。
「幾年前BARBERSHOP仲未係香港好流行時，上網搵到既資料都係話BARBERSHOP只幫男人剪，反而令我更有好奇心想試。我仲記得當日一入去坐低就問BALL：「係咪真係淨係幫男人剪？」佢反問我：「你唔係男人咩？」」的確，雖然生理性別是女性，但JANSCO擁有的是男性的靈魂。BARBER 著重細節，所處理漸變有層次的青是外面無法做到的，讓對生活吹毛求疵的JANSCO一試難忘。
BARBERSHOP本來是傳統文化強烈的地方，亦向來只為男性服務，這種帶點霸道的態度卻吸引了在設計路上背道離經的JANSCO。「其實我仲好想剃鬚，但可惜我無鬚，上網見人剪完頭髮剃埋鬚修埋眉成件事好FRESH，最後搽埋鬚後水古龍水同埋好香既髮蠟，過程同結果都好正。」作為女生，當她走入BARBERSHOP，已足以證明她的好奇心、反傳統、熱愛挑戰的個性，這亦通通反射在她的時裝創作。「咁樣先會試到新野，搵到未知既可能性，我都無特定為自己劃分做男定女裝，男男女女都係隨感覺去做。」
妳身上的紋身是｜
WHY FIT IT：唔想隨波逐流既意思，要做自己。
DESTROY TO CREATE：呢個可以套用係唔同事，例如先打破常規，再去創做新既想法。幾千年歷史，好多設計都有人做過，但可以將前人做過既野拆解再加啲想法重組自己新既設計。
TAILOR SCISSORS：我對所有野都好奇而好多野都三分鐘熱度，但唯一一樣野我一直堅持唔放棄既就係做衫，好多人話香港做唔到嫁啦時裝，就係咁我先要繼續做，做左香港再做埋其他國家。
最喜歡吃的是｜
「LBERICO HAM 西班牙黑毛豬火腿，48個月啦最好。自從一位女性朋友介紹下，中意左食粒狀多過一片片既。」
最害怕的是｜
「雀仔，見到會腿軟！講笑啦。驚好多規則既東西，驚被束縛既感覺，驚被欺騙同背叛。」
最古怪癖好是｜
「鍾意睇自己鍾意既人既腳指。」
最喜歡收集的是｜
「TROLL DOLL！初頭唔知呢隻野咩黎，幾歲個陣係屋企出現左一隻黃色，覺得佢好奇怪個樣，比佢啲頭髮吸引，好中意幫佢GEL頭。唔知點解好中意搞公仔啲頭，以前試過睇BARBIE唔順眼剪哂佢啲頭髮，果陣都唔知作叫咩名，到十幾歲MK時期行MK舖頭，入面有TROLL見番佢個感覺好熟悉，於是一口氣買左幾隻番屋企。之後慢慢啲朋友話呢隻野好似我，紅色頭個陣，又知我中意，就係唔同地方見到都會買比我。」
妳對自由的定義是｜
「無拘無束，好似沖緊涼對住花灑大聲唱歌既感覺。」
喜歡香港嗎｜
「喜歡，因為香港人充滿愛，希望香港將來既快樂指數會超越不丹。」
RELATED ARTICLES:
Comments