HIM 和 LIZ 由大學時期的一次合作中認識，接下來就開始展開「拍住上」的日子。憑住 LIZ 天馬行空的頭腦以及 HIM 細心務實的執行力，兩個人由平面設計、室內佈置，到音樂錄像、廣告拍攝都一起創作，對他們最重要的原來是雙方取長補短之下，得來的力量能夠加乘，每次的作品都是他們成長的見證和紀錄，每次合作的成果都是一個讓他驚喜的回憶。
兩個人合作時既默契，唯獨對方先可以激發到你無限可能性既思考方式。
Art Directors
先介紹一下自己吧！
LIZ : 你好，我係LIZ，天秤座，有時做下美術，有時又做下GRAPHIC DESIGN。
HIM : HELLO，我係阿謙，而家我主要做美術指導，但多數時候係做助手。有時都會幫朋友拍嘢做副導演、劇照等等。
可以為我介紹一下對方嗎？
LIZ：我叫開啊HIM做李好。我角度而言，李好係一個好全能既人，任何角色佢都可以好好擔當。李好係個好搞笑既人，成日都令到身邊人好開心。但佢其實係個好細心既人，好關心身邊既朋友，內在既佢係非常沉穩的。任何場合一有李好喺到，就令到人好放心。
HIM：LIZ 係個好天馬行空嘅人，呢點特別喺佢畫嘅畫入面反映到出嚟。同埋好好脾氣嘅女朋友，做嘢難免講嘢會語氣重咗，但佢好明白工作上一定會出現令人心急或者嬲嘅時候，我地事後都唔會擺喺心，有嘢就拎出嚟講。
可以分享一下和對方是怎樣認識嗎？
LIZ：我地係經一個好朋友係一次工作場合之下介紹認識的。
HIM：幾年前我個好朋友叫我幫佢拍畢業作品，之後我地就識了。
你們現在是以怎樣的形式合作？
LIZ : 拍住上，一齊做美術又做下GRAPHIC DESIGN，主要既主題構思同創作部分都係一齊合作做的。而分工上，佢係對外溝通，同幫我解決技術層面既問題，而我係負責創作同出圖。
HIM：一齊做，如果單JOB佢接嘅我就ASSIST佢，我接嘅佢就ASSIST我咁。因為我比較夠膽同人交涉，所以多數要同人DEAL嘅嘢會交比我處理。而佢就專心做創作，構思作品，然後我就根據佢嘅構思諗吓點樣實行。
比起一個人工作，你覺得二人合作的過程中最值得珍惜的是什麼？
LIZ：我最珍惜既係兩個人互相取長補短同之間既默契。
HIM：我最珍惜係做前期時我地都唔係好有信心，但最後效果好好嘅感覺。
你們在合作的期間會遇到矛盾嗎？會怎樣解決？
LIZ：我哋合作時遇上既矛盾不算太多，多數係我地討論執行方法時會有好唔同既方法。
HIM：矛盾好似唔多。或者係收工我好想快啲走之後係咁催佢快手啲哈哈哈哈哈哈哈
有過那一次的合作經歷，讓你在日後想起覺得相當珍貴？
LIZ : 一次朋友既介紹下去完成一個店舖空間設計，亦係我首次去嘗試呢一類型工作，如果無佢既幫忙，我唔能夠一人獨力完成。
HIM：有一次個廣告係起模型屋，嗰次除咗我佢之外仲有好多人幫手。喺前期諗啲屋點整嘅時候個人做到有啲迷失，壓力好大，主要係冇乜信心，好彩有佢陪住，幫我解決砌模型以外嘅問題，等我安心好多，而最後效果我地都好滿意。感激！
對你而言，「火花」的意思和意義是什麼？
LIZ：我認為係兩個人合作時既默契，同唯獨對方先可以激發到你無限可能性既思考方式，無左呢一種火花，幾有趣既PROJECT都會爭咁D靈魂。
HIM：我覺得火花係兩個唔同特性嘅人一齊合作，喺創作、解決問題時各自有自己嘅諗法，然後大家都比對方激活到，從而再產生到更多諗法，令到成件事多咗好多可能性。
你最欣賞對方的又是什麼？
LIZ : 我好欣賞佢既邏輯能力同思考能力，佢轉快好快，行動力好高。
HIM:我好欣賞佢做每件事到好專注，著重細節，思路清晰。因為我有時諗嘢太快太亂太遠，佢可以拉返我返嚟。
講起最好的組合，有人認為「一凹一凸」最好；有人則認為應該「同類相吸」，你又覺得愆怎樣才能稱得上最佳拍檔？
LIZ : 我始終相信一凹一凸，互相彌補對方不足既地方。
HIM: 我覺得一凹一凸比較好，因為我比較鍾意比人發現到我嘅思考盲點，感覺上可以令我進步。
八卦一下你們最近一次的爭吵是為了什麼？
LIZ :最近一次鬧交係因為我地工作效率不同。
HIM：應該係我太心急係咁催佢快啲哈哈哈
那最近一次感謝對方又是為了什麼？
LIZ : 我最近一次感謝佢係佢對我既包容度好高，我有時候工作起上嚟比自己好大壓力繼而產生好多負面情緒，影響到工作，但佢都係會好有耐性咁開解我。我好感激一直有佢喺身邊:)
HIM：最近一次應該係我太忙，所以交咗前期製作比佢搞，冇佢幫我應該會死。
RELATED ARTICLES:
Comments