你，是由幾時開始，由「網購呢家嘢梗係可免則免啦」變成「只要一個星期無收過速遞包裹就周身唔聚財」的呢？
如果今日中央政府又突然立例禁止香港人上購物網站，明天龍和道結集的人潮恐怕會破盡之前的紀錄吧？
如果這件事都可以濫用「初心」「初衷」，當年那個抗拒 e-shopping 的你大概是因為「怕寄失」「怕貨不對辦」「怕對方走佬」等各種怕吧？
如今，只怕網絡失靈，或者踏正午夜12點㩒唔切限量唧！
然後，我突然想問這個每個月在網絡和現實世界都使差唔多咁大筆錢的自己，到底以前未有網購前的生活是怎樣過的，為什麼記憶中好像相安無事？現在卻竟然深深覺得「番唔到轉頭」？
說起來，都唔係吖現在有好多你以為網購才有的勁方便功能，以前原來早有各種土炮古方搞得掂！
難題一：AFTERHOURS 的問題
好想去某間舖頭買件衫（託唔到朋友代試身），但呢半個月公司忙到無可能有一日晚上 7 點半前趕得切去中環點算？現在有 internet 話之你收工收半夜 3點9，一樣有大批「舖頭」等住碌你張卡為你提供緊急的 retail therapy ！以前？係無咁方便，但一樣有商量，因為不少信用卡都願意為你安排名店的「營業時間延長服務」，係就係要提早預約幾月幾日星期幾邊個舖頭恭候邊位大駕光臨至幾點鐘……有啲煩， 但至少是個有權揀的「可能性」。
難題二：「行唔開」的問題
有錢，有時間亦有欲望，只係肉體上「行 唔開」唧？又或者只係乜人都唔想撞到唧？現在當然又是 a few clicks away 便能突破時空和物理限制。換了二十年前，其實同樣有辦法， 我就親眼見過某 J 字頭名店一貨車一貨車的法 英意日新裝，由資深售貨員帶領，已經對應該大客口味揀蟀並篩選好適合對方的尺碼，「直送」到他／她的屋企，等佢慢慢挑選，移船就磡，免其舟車勞頓，方便過現在把外賣運到你家的某袋鼠和熊貓，總之是 fashion 版的麥麥送，不，更壯觀，請幻想成間 Net-a-Porter 人肉搬到現實世界！但前提當然是你必須是這家時裝店信譽良好的 A-list「大客」啦！（利申： 個「大客」也不是我呀吓！）
難題三：限量版的問題
真正名店不會叫尊貴的客人日曬雨淋的排隊，所以在「網上登記抽籤」降生之前，他們的底線是寧可收集有興趣的客人名字，擇好良辰吉日在眾目睽睽下「大－抽－籤」，我印象最深又最早的一次，應是史上第一批 Yohji Yamamoto x Adidas 的球鞋在中環 Joyce 總店的 Lucky Draw，時為大約 2000或01 年吧？
你或者會挑戰，手動的抽籤，若店方要偏袒熟客，做起手腳來控制賽果不是更容易嗎？我想反問，真要造馬的話，難道你以為在互聯網上會有幾難？
難題四：退貨問題
不知何故，到了現在，面對 return & refund policy 最體貼的公司，我還是很懶惰很討厭 要退貨的，但真的買錯了又鯁唔落，必須打回頭的時候，我還是深深慶幸可以足不出戶 也不必太多繁文縟節地完成整套動作。
回想互聯網流行前，在香港「貨物出門 恕不退換」就預咗，即使在最文明，講好退貨 時 no questions asked 的英美，還是得忍忍那些 sales 在你面前用鼻子逐吋聞聞你要退 那件衫，以證實沒有香水味的「受辱感」，是的，我明白他們職責在身一定要 check，但在 顧客面前做這件事情，總是令人很尷尬，但不在你面前做呢又怕你抵賴「偷龍轉鳳」，這大概是我想到唯一「真人到店」好不過「網 購」的地方吧！
RELATED ARTICLES:
Comments