剛拍拖的女士特別美麗，因為有愛情滋潤；男士則突然變得特別有型，因為有女朋友執過個look。可惜這個case不能apply喺「第一先生」林兆波身上。如果林鄭月娥有fashion sense（或common sense），老公林兆波就唔會當眾出醜。事關林鄭前往北京接受國務院任命，「跟得丈夫」林兆波隨行，Ming’s編輯部留意到林兆波竟然以學生哥白襪配襯深色西裝，錯晒！
可能林生好鍾意Michael Jackson嘅經典白襪吊腳褲look，但人哋係天王巨星，著咩都可以carry到。但林生參與如此formal、重要的會面，未開聲衣著已失禮節。其實，正式場合的西裝穿搭，襪子的顏色應該要與西裝同色、或比長褲顏色深色。而且，應該選擇中筒襪或長筒襪，中筒襪指收口長度長及小腿腿肚的款式，長筒襪則是收口在膝蓋下方或以上的襪子，避免坐下時露出飛毛腿，又可以修飾腿型。除非你穿的是白色西褲，否則白襪只屬於運動場而非正式場合。不過可能這位「第一先生」對白襪有情義結，他平日行街亦穿上白襪。
香港是自由社會，其實你穿什麼都可以，只要自己喜歡。就如italiano，把西裝穿得出神入化，特別是每年出席佛羅倫斯Pitti Uomo男裝展的gentlemen，個個官仔骨骨，色彩繽紛得如凍櫃裏的gelato一樣，型到不能！但如果要出席重要場合，建議林生你都係跟足規矩好啲啦！
Comments