周末狂想：明仔破冰 BOARD GAME 之選

明仔個性怪怪，有啲內向又有少少宅，內心好熱情但唔知點表達，每次同第一次認識嘅人見面都會有啲唔自然又尷尷尬尬咁，最好就係同對方玩 BOARD GAME 打破悶局，仲可以偷到時間慢慢同對方混熟。

#ALEX 明仔癖

要同啱啱認識嘅人破冰，最好就係玩下 BOARD GAME，除咗可以打破尷尬氣氛，遊戲期間仲可以了解到對手性格同脾氣。我就比較 OLD SCHOOL，覺得啤牌最好玩，睇落好似好普通但有好多唔同變化，而最緊要係方便收藏嘛。

玩 BOARD GAME 都要襯埋衫，ALEXANDER MCQUEEN 之前出嘅啤牌 SET 就好有型，白色盒內有兩副一黑一紅嘅啤牌，以紅色絲帶包裝，內裡圖案係受到 MCQUEEN 4 個 ICONIC 時裝騷所啟發，以人手繪製而成，而當中更有張雙面簡介卡，講述四個時裝系列嘅靈感來源。

#CHERIE 明仔癖

〈截碼戰〉是一位好朋友介紹的，一開盒見到有心思的 OLD TECH 造型，而玩法結合心機、推理、默契。〈截碼戰〉一盒共有 110 張關鍵字卡；48 張密碼卡。兩隊各自將抽出的關鍵字排好順序後，再由一位隊長隨機抽密碼卡，隊長會在看完後分別就每個順序講出提示，讓自己隊員和對方隊員猜出正確的密碼排序。

個人認為最好玩在於隊員們各自的無限想像力，隊長眼見大家胸有成竹自信滿滿，但其實理解錯哂，嗰種好笑又無奈係最頂癮，就睇下你有無豬隊友估錯自己隊個順序，罰你一粒黑豬！

#CURTIS 明仔癖

WE’RE NOT REALLY STRANGERS

基本上就是過百張問題卡，讓你問對方讓對方問你。LEVEL 1 的可以用來破冰，LEVEL 2 和 3 的 DEEP 到你怕。
更有 VALENTINO 聯乘版本。

BTW 徵桌遊友有意 PM。

#EELY 明仔癖

唔知大家個心係咪已經飛左去仲有半個月既復活節假呢？嗱～雖然明仔我地未必有假放（喊緊），但係點都要俾啲著數俾有假放嘅大家！所以今期 PICK 嘅破冰 BOARD GAME 之選，我就要推薦 DIXIT 呢款遊戲！

妙不可言、妙語說書人、隻字片語……
中文翻譯非常之多，已經暗示你聽呢款遊戲有幾受歡迎，簡直係 BOARD GAME 界嘅奧斯卡！佢總共有 84 張唔重複嘅牌。每一輪，其中一位玩家（説書人）要盡力用言語去形容自己手上嘅牌（可以天花龍鳳，咩都得）。其他玩家就要根據佢既形容，係自己手上出一張最接近嘅牌（用黎混淆視線）。最後大家要一齊投票究竟邊張先係說書人形容緊嘅牌。

呢個遊戲最難嘅地方就係說書人嘅形容唔可以太抽象，都唔可以太出面，因為如果無人估得中你張牌，又或者全世界都估中左，你都無分架！好玩嘅係可以見到大家發揮自己既創意小宇宙，一張牌居然可以引發超多天方夜譚既想像，超推薦一大班 FRIENDS 一齊玩！

#FAI 明仔癖

破冰之選，我會揀 RUMMIKUB！粗略咁講，RUMMIKUB就好似以色列嘅麻雀一樣，牌組有分順組同埋群組，亦即係「碰」同「上」。玩法基本係每人一分鐘限時內出牌，最快出完牌者贏。比起麻雀，RUMMIKUB 令玩家之間嘅交流再多一啲，因為玩家可以將手牌同所有場上嘅牌重新編排組合，更多機會走漏眼，冇乜得抖。

對話最重要嘅從來都唔係數量，質量好嘅話，一句勝十句。我相信市面上不乏更好玩嘅遊戲，而之所以明仔話 RUMMIKUB 係破冰之選，係因為佢具備咗「交流」同埋「思考」，因為 RUMMIKUB 提供咗一個唔需要講嘢，但又可以思考、參與其中嘅時間，省卻更多「硬吹」嘅對話。

當然，如果要好玩就一定要計時，明仔甚至試過縮短到每人15秒，由限時帶住個氣氛，一定冇冷場，不妨試試。