明仔同香港普遍新生代打工族一樣，為生活為理想打拼，但都係月光族，每個月出糧前嘅果幾日就最難熬，唔諗下辦法隨時餓死街頭，所以明仔們都有生存嘅小秘技，才得以延續生命。
明仔有咩癖好？今個禮拜 PICK 咩好？
#ALEX 明仔癖
時裝編輯從來都係好睇唔好做嘅工作，表面風光內裡坎坷，打滾 N 年都係月光族嘅明仔，自然已經有好嘅對策面對出糧前幾日窮到褲穿窿嘅時間，明仔嘅推介係－印尼 INDOMIE 營多麵！
INDOMIE 營多麵
有食過 INDOMIE 嘅朋友都知道，一 PACK 5 包特價果時都係 10 蚊左右，圍返都係 2 蚊包，可能你會話「喂，同平時公仔麵價錢差唔多者」，的確，但公仔麵就咁食梗係會想加呢樣果樣料落去，INDOMIE 就可以就咁食都夠味，再唔係加隻蛋落去，咁就一餐嫁喇。唔健康？鬼叫你窮咩。
YOU MAY ALSO LIKE…
#CHERIE 明仔癖
FAMILY TIME
平時睇少啲戲、去少啲日本都上到樓啦，香港地，糧尾又有咩好驚呢？_？其實香港地去到邊娛樂都要錢，糧尾是個好機會，提醒你仲有個避風港，不如早點回家，陪陪家人，執下屋睇下書或者搵套劇追下，享受一下 ME-TIME，DETOX 一下，都不妨是件好事。
YOU MAY ALSO LIKE…
#CURTIS明仔癖
人頹飯頹
早餐：職員餐廳
下午茶餐當午飯：職員餐廳
晚飯：職員餐廳
YOU MAY ALSO LIKE…
#EELY 明仔癖
舊街場白咖啡
識我既人都知我無啡不歡，真心我可以一日三餐都配咖啡，有時經過 CAFE 都會想嗌返杯咖啡拎走。但係大家都知係香港靚嘅咖啡就好似黃金，普遍定價都頗高，月光族又有咩資格享受呢？所以每到月尾我就會重投即沖咖啡嘅懷抱。舊街場白咖啡明仔飲過無數包，個人覺得原味偏甜，建議可以買減糖款或 2 合 1 款，自己控制甜度更好！
YOU MAY ALSO LIKE…
#FAI 明仔癖
問啱人。唔係因為慳，主要係窮。
公仔點心炒麵王
根據明仔經驗，炒麵王係最抵食嘅食物，大大盒，營多都尚需要煮，炒麵王就快靚正，碗都唔駛洗。明仔經常目擊佢跌至 $3 一盒，一日三餐都只係 $9，但味道都唔苟且，想食豪啲仲有「日式燒肉店味」，入面嘅伴菜都唔會太少。 但盡量都唔好一次過食太多，唔係個人就好易熄機。
Comments