萬聖節，其實即係西方孟蘭節，但大家都好得意咁唔會驚，而係好開心咁扮鬼扮馬出街玩樂一番，相反孟蘭節大家都會驚餐死，又唔敢出夜街，又話怕會有鬼，可能大家唔驚外國鬼？ANYWAY，明仔就覺得萬聖節出街玩都唔應節，識玩梗係睇返套鬼片，出返身汗都好吖。
明仔有咩癖好？今個禮拜 PICK 咩好？
#ALEX 明仔癖
作為明仔中嘅鬼王，大部分講得出嘅鬼片明仔都有聽過，以前未出嚟做野，總之戲院有鬼片上就會即刻仆去睇，務求要嚇自己一餐，但好耐好耐都無一套真係令人驚嘅恐怖片，真心，就算最近上嘅某套韓國同泰國聯手炮製嘅鬼片都唔恐怖。
《NOROI: THE CURSE》
要數下睇過好睇嘅鬼片其實都唔算多，都係大家都會覺得好睇嘅《鬼影》，但今次想講係一套係日本嘅偽紀錄片《NOROI: THE CURSE》，當年明仔睇果時真係有毛管戙，成套戲一開始睇好似普通日本綜藝節目，非常鬆散，講唔同時間，地方發生嘅事件，有啲係唔會發覺同靈異有關，一路直到尾段所有野串聯起嚟，才真正了解到成部電影有幾心寒，真心強烈推介。
YOU MAY ALSO LIKE…
#CHERIE 明仔癖
《異靈靈異》
我本身不特別喜歡鬼片，不過《異靈靈異》就例外，因為唔太靈異但又有靚仔睇。 《異靈靈異》係 2001 年嘅電影，除咗有年輕無敵的謝霆鋒同後生馮德倫、飾演水鬼嘅「香港飛魚」方力申（有點 GAG），仲有入面嘅 CG 特效都會令你佩服當時嘅電影人勇於嘗試嘅魄力，反觀多年後嘅今日，會嘗試特效嘅電影依然唔多。電影主題曲《LET ME DIE》再加埋非常靚嘅女主角DANIELLE，為套鬼片帶嚟充滿感情嘅結局，一定要看看。
YOU MAY ALSO LIKE…
#CURTIS 明仔癖
THE TRUE COST (2015)
這紀錄片詳細報導時裝產業的環境污染和工人剝削問題，讓你更加了解，一件衣服尤其 FAST FASHION 的售價，絕不是價錢牌上的銀碼那麼簡單。
和大陸鬼片一樣，無鬼，但也是驚嚇片來的。
YOU MAY ALSO LIKE…
#EELY 明仔癖
《THE SIXTH SENSE》
作為鬼片狂迷，明仔對於鬼片係有一定要求嘅，劇情要有，又唔可以做得太出面，為嚇而嚇就冇意思啦。真心近年冇咩高質鬼片推薦，呢部 1999 年出既《THE SIXTH SENSE》令明仔睇完之後一直念念不忘，劇情同氣氛都營造得好到位，小演員 HALEY JOEL OSMENT 演得好好，結尾仲要有個大反轉，未睇過嘅真係一定要睇！
YOU MAY ALSO LIKE…
#FAI 明仔癖
《生化壽司》
嚟緊萬聖節應該會一街都係魷魚遊戲嘅造型，但明仔推薦大家 COS《生化壽司》入面嘅壽司仔！咩話？未睇過？咁明仔同大家介紹下。
呢套香港喪屍片《生化壽司》可以話係神級 CULT 片，主要圍繞一個北角商場，一眾角色都係舖頭仔嘅小職員，但佢哋諗都冇諗過一支「葡萄適」會令到商場嘅人都變成喪屍。
戲入面角色嘅造型依家睇返都可以參考，明仔最鍾意李璨琛嘅髮型同埋佢件橫須賀外套，配合得非常好；而黎耀祥嘅造型，都令明仔諗起 DEAD RISING 1 嘅法蘭克。不得不提，壽司仔同佢嘅作品「手指壽司」亦非常 ICONIC，今個萬聖節 COS 壽司仔，傾到偈就係朋友了。
Comments