又完成一期書嘅明仔，係時候把握時間奔向大自然，好好讓自己放鬆一下，曬太陽又好，摸下蜆都係唔錯嘅選擇，到海邊 CHILL 嘅明仔，腦海中又會諗起一首咩嘅歌？
明仔有咩癖好？今個禮拜 PICK 咩好？
#ALEX 明仔癖
對明仔大海有種奇怪嘅力量，好似一個無底嘅黑洞一樣，可以將好多好多能量吸收，即係呢，好似《午夜兇鈴 2 之貞子纏身》咁，用水去將貞子嘅怨念吸收嘅道理相似。往往望到一望無際嘅大海，就會有好多感受，先是感到放鬆、再感到大海浩瀚嘅力量，然後就會好想將所有嘢交俾大海。
HUSH〈練習說再見〉
大海就係有呢種神奇嘅力量，非常包容同時感覺自由，所以好多人都會想死後將骨灰灑到大海中。告別，是人生最重要嘅課題之一，台灣歌手 HUSH 歌曲〈練習說再見〉就係讓人去思考說再見嘅傷感，係唔會因為次數而改變傷感嘅程度，珍惜才是大家應該去留意嘅課題，當然，將內心嘅情緒找出抒發嘅渠道，向負面情緒說再見，也是重要的練習。
YOU MAY ALSO LIKE…
#CHERIE 明仔癖
講起係海邊聽的音樂，大力推介「92914」。
92914
「92914」成立於 2015 年，係由來自韓國 LEE JUN KI（이준기）以及 KWON JU PYEONG （권주평）所組成嘅 K-INDIE 組合，他們嘅音樂大多受大自然所啟發，將木結他同 R&B 完美融和，最正是你可以經常在曲中聽到來自大自然的合奏，用各種環境音的音軌重現了自然的回憶，例如代表作〈OKINAWA〉就以夏天沖繩海邊輕細的海浪聲作為背景，搭配上不膩耳的柔和旋律，安撫人心。不過諗諗下，點解要去海邊聽海聲的音樂呢？會唔會有雙重療癒功效？
YOU MAY ALSO LIKE…
#CURTIS 明仔癖
《JAWS》 SOUNDTRACK BY JOHN WILLIAMS
大白鯊來襲🦈
YOU MAY ALSO LIKE…
#EELY 明仔癖
究竟幾時可以 CHILL 住甘坐係海邊浪費一整日呢？希望好快就可以啦！「一首喺海邊既歌」 ，明仔我就第一時間諗起呢首無論係個樂隊名、歌名，定係成個專輯風格都好 FIT 海邊既歌。
橘子海 ORGANGE OCEAN
夏日漱石 SUMMER COZY ROCK
嚟自青島既樂隊「橘子海」（ORGANGE OCEAN）嘅呢首「SUMMER COZY ROCK」，中文名喺「夏日漱石」。聽落超級舒服， COZY ROCK 加少少 LOFI 再加英式搖滾，會令人諗起檸檬梳打、海浪同日落。
明仔我唔識形容音樂，反正去聽就岩啦！
YOU MAY ALSO LIKE…
#FAI 明仔癖
RUBBERBAND 嘅《小涼伴》！當然係天氣熱先去海灘啦，但如果要同時消暑，除咗雪糕汽水，《小涼伴》聽完都會清涼一啲。
其實明仔係 RB 粉，除咗首選《小涼伴》，其實仲有好多歌都好啱海灘聽，例如《飛天》都係非常清涼，編曲方面都用咗啲少見，而且令人舒暢嘅管樂，亦鼓嘅節奏都令人一吐烏氣，建議一併服用。
Comments