就嚟到農曆新年，日日坐 OFFICE 坐足全日嘅明仔，已經變成月巴仔。咁落去唔係辦法，想趁新年前減減肥，話就話係新年大計，其實想留多啲位放蘿蔔糕同年糕，你地又有咩減肥 GEAR 介紹俾我地呢？
明仔有咩癖好？今個禮拜 PICK 咩好？
#ALEX 明仔癖：
已經成為月巴一員嘅我，想重拾（其實都無）跑步嘅習慣， 以前買落對運動鞋都擺得太耐， 膠底都碎哂，係時候要買過對新運動鞋。近排上網睇到對 CHEMIST CREATIONS X ASICS ALL COURT ALPHA-L 聯乘鞋款，睇落好似日本動漫運動鞋，即時心心眼。
初初以為寫中文字「化學製品」係日本 BRAND，原來CHEMIST CREATIONS 係美國服裝品牌 C2H4 延伸出的品牌，今次系列就係將 ASICS 1991 年推出的經典鞋款 ALL COURT ALPHA-L 注入 CHEMIST CREATIONS 的設計，以 90 年代復古風格為基礎。最特別係系列特別設計有 5 種徽章，每一對鞋均隨機配備徽章一個 ，可以安插於鞋帶孔上，造型甚似日本戰隊系列，希望其他幾位明仔都可以陪我買，集合成明仔戰隊 MING’S RANGERS！
YOU MAY ALSO LIKE…
#CHERIE 明仔癖：
疫情關係，健身中心和運動場又開又閂，出街跑要戴口罩；在家 WORKOUT 又要就住家人，最後仲堅持到運動的朋友，值得掌聲鼓勵。今次明仔 PICK 要選一樣運動 KEEP FIT 用品，我會 PICK 美津濃（MIZUNO）跑鞋，行街運動兩相宜。
百年日本運動品牌美津濃所推出的跑鞋都以緩震性能為賣點，實穿舒適之餘又流露一份比大牌更自然的 DAD SHOES 復古感，由中學排球妹到日本澀谷潮妹也會穿！至於款式和型號方面，其實也不需刻意找流行的 WAVE RIDER 或 1906 乜乜，落街求其買對都 OK 了，襯得好就得啦。
YOU MAY ALSO LIKE…
#CURTIS 明仔癖：
其實可能係，肥得是福。向 BODY SHAMING 說不。而且，KEEP FIT 不如 KEEP HEALTHY。
真係要講減肥精選的話，以下求其一項都係萬試萬靈：壓力、抑鬱、勞動、悔恨、苦悶、趕急、緊張、貧賤、不安、懊惱、困惑、加班、通宵、浮躁、擔憂、壓力。不單可以破壞消化功能，食慾都可以消滅。
YOU MAY ALSO LIKE…
#EELY 明仔癖
2021年俾自己一個新目標：多做運動！
不過其實每日放工反到屋企已經好攰，要的起心肝做運動都要搵有趣味既運動做，所以本明仔我超級推薦可以一路打機，一路做運動的 RING FIT ADVENTURE「健身環大冒險」！單見其去年疫情期間瘋狂加價又缺貨的情況，再加上有結衣 BB 代言加持，遊戲有幾受歡迎相信不用我多作解釋了吧？
遊戲裏面你可以一關關地打「大佬」闖關，每次成功之後都會好有成就感！如果你唔中意做闖關的帶氧運動，都可以針對手、腹或腳做局部運動。每次完成後都可以睇反自己的運動時數和消耗熱量來做參考，好方便大家去做運動記錄！好啦，唔講太多啦，等我快啲寫完文都要去做運動啦（應該）！
YOU MAY ALSO LIKE…
#FAI 明仔癖：
好想要！好想要！好想要紅色嗰對！每次做運動都會成身「三間」，其實一直都想買SAMBA系列（冇錯，係拎嚟做運動！），最近好想買呢對 ADIDAS ORIGINALS X OYSTER HOLDINGS SAMBA OG，踢波出街兩用。吖！唔記得而家冇得踢波，又冇街出⋯⋯ 講起三間，唔知大家鐘意三間定一剔多啲呢？
Image Courtesy of internet
RELATED ARTICLES:
Comments