明仔近期於社交平台看到舊的訪問片，內容是問小學生們中秋節的由來，九成半小朋友都未能回答，其實中秋節是祭拜「月神」以酬謝豐收，後來又有嫦娥奔月、朱元璋以月餅起義等故事，而到了今天，中秋節更多是共聚天倫的節日，最重要的主角，就是不同口味的月餅。
明仔有咩癖好？今個禮拜 PICK 咩好？
#ALEX 明仔癖
最鍾意食雪糕嘅明仔，自然會揀非傳統嘅雪糕月餅（其實同就咁食雪糕無分別）。從前未有非傳統月餅之時，明仔會將月餅嘅蓮蓉餡清走，只食內裡的蛋黃，冰皮月餅出現後，有一度轉投藍莓芝士嘅懷抱，但最愛還是雪糕月餅。
HÄAGEN-DAZS「茶 ⋆ 亮月」禮盒
姜濤摘星俾你
講到雪糕月餅就不得不提今年 HÄAGEN-DAZS 搵 MIRROR 姜濤做代言人，一句摘星許願加埋限定套裝，即時令一班粉絲漏夜排隊搶購，威力驚人。而試過今年新口味嘅明仔，就推薦「茶 ⋆ 亮月」禮盒，內日本及斯里蘭卡產地茶粉製成嘅朱古力脆皮外層，加上雪糕真係無得頂，私心推薦。
YOU MAY ALSO LIKE…
#CHERIE 明仔癖
FENDI 月餅禮盒
FENDI 月餅禮盒個盒很精美，原來靈感來自 KIM JONES 設計的 FENDI 2021 秋冬女裝系列，融合品牌的經典設計元素，頂部飾有鏤空 KARLIGRAPHY 圖案，將品牌標誌性的 SELLERIA 手工縫線搖身一變改為金色金屬壓花效果作為盒裝點綴，簡單而不失精緻奢華，而且採用可持續材料，可作為首飾盒、收納盒重複使用。另一大重點是，入面除了有比較常見的蛋黃奶皇月餅之外，仲有迷你伯爵茶奶皇月餅！！！相對就適合鍾意無咁甜的人食用了！期待！
YOU MAY ALSO LIKE…
#EELY 明仔癖
KIKI 麵店（KIKI 茶）
櫻花蝦芋泥麻糬月餅
明仔一向中意傳統蛋黃蓮蓉月餅，嘛嘛地新式月餅。但前幾排食左呢款又覺得幾好食，要推薦俾大家！中意入面有 Q 彈麻糬，而且芋泥同櫻花蝦出奇地夾，口感幾豐富，忍唔住一次食左兩舊。加上係低糖配方，唔會甜到牙痛，食多幾件都唔會有罪惡感！
YOU MAY ALSO LIKE…
#FAI 明仔癖
以下言論恐怕會引起月餅迷不滿。明仔唔係好食月餅，就算食都係啲冰皮月餅、雪糕月餅，總之就係唔食真月餅。如果你都同意明仔嘅品味，明仔就介紹你呢款「IG STORYABLE」嘅威靈頓月餅！
PHOEBE’S KITCHEN 威靈頓月餅
呢款月餅係由一位叫 PHOEBE 嘅中大學生喺疫情停課期間研製而成，將英國著名菜式威靈頓牛柳與月餅結合，同樣以巴馬火腿、白蘑菇、鵝肝、芥末、黑松露醬、黑胡椒、香草等等嘅傳統餡料置於牛柳同月餅皮之間。
將月餅放入氣炸鍋或者焗爐 10 分鐘左右就有得食，再拍一個 STORY 上 IG，然後我諗呢個中秋節一定有大把朋友嘅 DIRECT MESSAGE要覆⋯⋯
Comments