王君馨婚禮現場
王君馨婚禮現場
王君馨婚禮現場 (Photo： Marco M Chan)
王君馨今日終於回港舉行婚宴，相信好多人都期待Grace會揀邊套婚紗，但原來佢重着拍攝婚照時，其中一套非常性感嘅大露背高釵婚紗登場，背後設計師Marco M Chan今日亦都係現場見證Grace開心時刻。Marco就話原來君馨重穿婚紗，係因為度身訂造唔想浪費，想以環保為主，就例如另一套西裝婚紗的白色西裝可以婚後重穿。而今日揀呢套婚紗出場，係因為香港天氣比較熱，這款設計比較輕盈，性感得來又切合Grace烈女剛柔並重個性，亦令新娘行動更加方便，而佢亦會在婚禮當中，換上拍攝婚照與美國婚禮時的幾套婚紗。
另外姊妹團亦與美國婚禮一樣，重着各有特色嘅灰紫色姊姊裙，與配戴Grace與香港飾物品牌DearBell一同創立的Dearest Grace設計飾品，示範婚禮都唔一定要換幾套衫，只要一套最合身、最適合自己嘅就夠。不過亮點之一衛蘭，絲質西裝加闊褲着得又矮又肥，夾到姊妹團隻色tone與絲質，但又將自己身型弱點完全曝露，仲要睇得出係特地認真揀過…真係出事。
Photo：王君馨Instagram
深入民心的「花曼」王君馨（Grace），早前傳出與圈外男友Daniel已簽紙結為夫婦，即將在7月11日舉行婚禮的他們，近日發佈了遠赴歐洲拍攝的浪漫婚照，真的甜蜜得羨煞旁人！但婚照上最吸晴的，必定是王君馨身穿一套超性感西裝婚紗，既能突顯出她的身材曲線，更帶「花曼」式的率直有型打女格，與一般傳統婚紗截然不同。雖然婚紗被定義為「爆乳」神器，但其實本地婚紗設計師Marco M Chan與Grace共同商討設計時，並沒有特地展露身材之意，得此效果實屬意外，明氏是次特意邀請設計師進行了一個訪問對談，了解設計背後的理念與過程。
Photo：Marco M Chan Instagram
MING’S：為何會有西裝婚紗這個概念？
Marco M Chan：Grace其實屬意比較classic嘅設計，唔希望設計太過特別或奇怪，我覺得佢嘅性格好爽朗，唔係一啲婆媽、嬌滴滴嘅女仔，就覺得西裝好襯佢。本身想做褲裝，但做褲又好似唔夠classic同everlasting，最後成品係一件西裝褸加半截裙，裙擺長及小腿、唔拖尾，令整個造形斯文得來又唔會太累贅。另外西裝褸可以係影完婚紗相後重着，更加實用。
MING’S：設計婚紗時，有為突顯她的曲線優點作出特別的考慮與剪裁嗎？
Marco M Chan：佢本身做好多運動，所以身型相當標準，本來只係做一件西裝褸，因為量身訂製關係一定會fit身，無打算做束衣。但Grace覺得出去影外景唔夠安全，先後加一件裸色束衣，唔希望令婚紗原設計受影響，所以無特別加墊只係有少少鐵線，一直到試身時先發現令佢胸部曲線特別突出，實屬意料之外！
Photo：Marco M Chan Instagram
MING’S： 婚紗的靈感來源自？
Marco M Chan：婚紗特別為佢去歐洲影婚紗相而設計，靈感係來自佢所選擇嘅攝影地方，例如佛羅倫斯已經係一個好浪漫嘅地方，當地景致已經相當豐富，所以我就盡量將設計做得簡約，用米白絲質配襯當地雲石、紅磚牆、木門，當日光照射落婚紗上亦會比較自然，唔會太造作。
MING’S：用了多少的時裝完成設計？
Marco M Chan：都大約做咗四至六個月，因為我個品牌婚紗系列全部選用法國真絲，等布料運到都要一定時間。另外一件高領婚紗上的釘珠是印度手工製作，Grace希望婚紗好似主耶穌身邊嘅天使，所以釘珠手袖就好似一對保護佢嘅翼。揀印度釘珠係因為我覺得當地釘珠技術係最新，款式亦係最高貴、有創意亦多元化，好多謝Grace信任我並用心等待。其實我哋已經準備好Grace舉行婚禮當日穿着嘅婚紗，相信大家都相當期待！
Comments