每天早上都要趕着出門上班，打算在交通時間才把妝化好嗎？香港打工仔跨區返工車程長是常識，一眾貪靚精早已練就得一身好工夫，不論係小巴掟個五連髮夾彎、巴士站站停chok一chok抑或港鐵企位左右都被夾實，經過長年累月訓練，要畫出順滑眼線其實唔難。不過功夫雖好，都要正貨扶持，以下筆者就搵來幾款handy妝物，助你速畫妝容時事半功倍！
1. 多用途妝物
出街才「執番」眼耳口鼻，揀多用途產品就可以帶少幾樣嘢喺身！市面上常見唇膏/胭脂兩用產品，但其實眉妝/眼影同樣可以兩用，前者使用同一色系可讓妝容感覺更統一，睡眼惺忪時「錯手」的機會也大減！而挑眼影作眉妝/眼妝兩用時，記得至少選有深淺兩度顏色作基本層次，那就不怕妝容出來感覺「死實實」，而，歐美品牌的粉質一般較啞緻和乾身，日系或亞洲品牌則偏向閃耀和creamy，大家不妨按個人習慣挑選。
（左）Urban Decay x Kristen Leanne Daydream Eyeshadow Palette（$250） （右）Dolce & Gabbana Beauty Emotioneyes Brow Powder Duo （$420)
2. 配件愈少愈就手
趺趺宕宕的情況下，仲要同時拎化妝掃化妝品同鏡會唔會太麻煩？幸好這個世代早有不同的輕便產品，用棒狀胭脂、妝物同掃二合一的光影/修容產品就方便得多。
MISSHA Coloring Multi-stick（$TBC）
NARS Velvet Matte Foundation Stick （ $430） 配方添加生薑根萃取物、維他命A、C及E成份，可提升肌膚的光滑度及膚色均勻度。Foundation stick 一邊是粉底，另一邊則是可拆式海綿刷頭設計，以點壓方式使用可方便遮瑕部位，輕推則可全臉上妝。
3. 毛筆狀眼線液
比起鉛筆狀眼線，「 毛筆狀」眼線液因為不用擔心畫鈍了或是突然斷掉，所以在交通時往往能畫出精細的眼線，選用防水、防脫色的也可以容易清潔（用紙巾或濕紙巾整條眼線抹掉），同時避免用「鉛筆」眼線所導致「愈推愈化」的意外smokey eye效果。
Comments