作為時裝記者，接觸得最多便是時裝品牌的公關。早前有以公關為題的電視劇推出，教一眾公關們髮指其劇本過於美化行業。根個人經驗而言，公關確實是個長期受壓、加班工作的職業。聽起來確實沒有什麼吸引力，但為什麼依然那麼多人渴望入行呢？
今回則找來了一位男性公關，與我們大訴時裝公關的二三事！
（為了保障當事人，受訪者依舊以匿名身份作答。）
請簡單描述時尚PR的主要工作
其實平常來說，我們需要處理大量budget，event和廣告的報告，成日都要同HQ（總部）報道，又要同外界是建立和保持良好關係，可以話係媒體，造型師，社會名流等等的中間人。
你覺得做時尚公關有什麼特別要求？
應該對您的工作和品牌充滿激情，因為你就係品牌代言人。
需要有好的Fashion Sense嗎？時尚感是其中一個基本要求嗎？
Fashion Sense不是必須的，但如果你在時尚界工作，都唔可以太差囉，因為有時都要propose下唔同嘅衫比media同celebrity嘅，差的話咪好容易無成績囉。
你覺得引發“關公災難”最根本的原因是什麼？
一句講晒，無Sense囉。喺當地市場缺乏少經驗，所以呢，唔好話PR無專業成分，處理大大少少嘅意外時，少啲sense都死硬。
PR行業陰盛陽衰，男PR比女PR沒有特別優勢？男PR有何特別挑戰要面對？
我覺得呢個現象其實同男人和女人的性質有關嘅。好似女人比較細心，男人比較善於邏輯思維（no offense）。如果一隊球隊，由男女公關組成，一凹一凸，咪平衡囉。所以呢，男公關其實最重要，係學習點同女性合作就真！
你覺得做時尚PR最大挑戰是什麼？
超級Multi-tasking，日日經過長時間的工作後，一定要識work-life balance。
時尚PR現在時常與KOL合作，或處理他們的需求，遇到最無理的要求是什麼？有何不愉快經歷？
最幸運嘅係，我唔需要同KOL工作。（touch wood）
PR給人都的印象好聽一點是面面俱圓，不好聽是好假，你有何睇法？
嗱，呢層其實就係「語言的藝術」，都叫做係我地專業精神的一部分，同人講嘢客氣啲，有幾難啊？如果句句都粗聲粗氣，人地對你（品牌）印象都唔好喇。 （不過都不能太假啦！）
另外，PR給人要“服侍”記者編輯的感覺，你又點睇？
我不同意喎。公關與編輯的關係係雙向嘅，彼此幫忙而已。
有沒有與記者編輯發生不愉快經歷？
幸運的是，還沒試過，哈哈哈。
有沒有貼士給予有意入行的學生們？
公關行業不僅僅是參加華麗的活動，飲香檳咁膚淺嘅。華麗背後，更多的是辦公室工作，所以啊，入行嘅話一定要有心理準備啊！
RELATED ARTICLES:
Comments