追求虛榮的人，是我最看不起的。
追求虛榮是愚蠢的，因為虛榮確是虛，虛在要從外界賦予讚美和羨慕才滿足，問題是所謂讚美和羨慕不是虛便是假，全是社交場合俾面講的膚淺評價。
女人追求虛榮的是一場災難。悲劇始於嫁一個能提供虛榮生活的男人，從此住豪宅，食好東西，出入高級會所，生個女出來讀國際學校，被表面風光支配自我價值。
男人買名牌俾虛榮女因為唔想女人寒酸影衰自己。虛榮女固然照單全收，名牌唔理好醜指定要買一眼睇得出是今季新款，未著先post FB show off乞like，慌死人唔知。唔夠like嗎，再向老公三跪九叩求去瑞士滑雪影相拍片po爆FB。
男人角度好簡單，當個女人係工人。一個月俾兩皮嘢家用管住外傭同個B，搞掂家頭細務，自己出去滾又得，反正個女人趕都唔走，因為俾男人睇死寧願死都唔會肯由上流社會墮落凡間。最可悲的虛榮女莫過於同個男人根本無簽過婚紙，無賜為合法妻子，一場「婚姻」，虛榮女就此輸在起跑線。物業股權全部留比俾兒女，女人連一個仙都無。
無名份夫妻相處極致境界係嗌交男人?番女人時，送部iPhone X則小事化無，送今季Kelly新色則極速大事化無，真夠廉價。那到底是怎樣的概念？Imagine兩公婆嗌交嗌到面紅耳赤，老公攞出個橙色盒，老婆怒氣全消大叫：”Honey I love you！”係咪咁？Imagine 我老公激嬲我?番我時攞住八萬蚊cash來道歉，我會覺得係人生最大侮辱，有機會一巴車埋去甚至離婚。
我見識過虛榮女極端心理不平衡的程度，是把不安全感、對老公的愛和恨、自大和自卑失衡的憤怒發洩在女兒身上，又打又鬧，妒忌女兒才是「正印」，根正苗紅地過着上流社會生活，爸爸寫定名分遺產。虛榮女呢？從頭到尾只是一個靠黐的跟班。
為虛榮棄愛棄尊嚴，interesting choice。
攀附物質去爭取別人的注意、別人的讚美、別人的肯定，不累嗎？
慢慢憑實力建立自己，活出自己，滿足自己，不行嗎？
或許源於缺乏自信，二十幾歲便認定自己沒有才華、能力有限，但又想過紫醉金迷生活，有幾分姿色，搵個有錢仔嫁。
我覺得咁，嫁個有錢仔無問題，但既然要做，一不做二不休，不如做得更高明，一世做場好戲，扮清高，因為一被男人看穿了虛榮心，bargaining power立即歸零。不過，個男人肯娶你，可能就是因為看穿了，知道易對付。Again，請個二萬蚊工人然後自己去滾，老婆嬲唔緊要，買粒鑽石，連sorry都慳番。哎，叫虛榮女扮清高，我真是天真同傻，掌嘴。
Well，人各有志，各取所需，永恆的定律。但志在虛榮，不知是可悲還是可憐。
Comments